General Santos City—Wala na naabtan pang buhi ni PNP Chief Director General Oscar Albayalde ang pulis nga si Po1 Butch Balatayo, 27 anyos Intel Operative nga nakabasi sa Police Station 1 kansa una nang napusilan atol sa gilusad nga buybust operation sa Police Station 1 niadtong Domingo sa Kaadlawon sa may barangay Dad. West Gensan.
Alas 11:00 pasado dihang nakabsan gyud sa iyang kinabuhi ang pulis human sa duha ka adlaw nga pagpabilin niini sa ospital.
Nasayran nga nakaangkon ug samad sa iyang tiyan ang pulis dihang kini gipusil sa suspek nga si Jaser Marlon Adat, 23 anyos Criminology Student sa usa ka pribadong tunghaan sa Gensan gamit ang Kalibre 45 nga pistol.
Nag ugat ang pagpamusil dihang ala 1:25 sa kaadlawon gigukod sa tropa nilang Balatayo ug mga kaubanan niini ang subject sa ilang buybust operation nga si Malik Sadam Nur sa may Purok Maguindanao, Saway, Barangay labangal.
Nangayog tabang ang suspek ngadto sa maong lugar, didto na migawas si Sadat dayon gipusil ang pulis nga si Balatayo. Malampuson sab nga nasikop sa Follow-up operation ang suspek.
Samtang kagabie gikan sa Koronadal gihapitan ni PNP Chief Director General Oscar Albayalde si Balatayo sa ospital apan 5 minutos ayha miabot ang opisyal, nakabsan na kini sa iyang kinabuhi.
