Nakabsan sa kinabuhi ang usa ka pulis human matud pa nakuyapan sa gipahigayon nga Physical Fitness Activity sa Bukidnon Police Provincial Office kagahapong adlawa.
Giila ang maong pulis nga si PCMS Reynante H. Cam, 40 anyos, Chief Intelligence sa Police Non-Commissioned Officers (PNCO) nga nadestino sa 1st Provincial Mobile Force Company, Bukidnon Police Provincial Office.
Sumala sa report, nga gikan matud pa misalmot sa 2-kilometer run ang maong pulis isip kabahin sa Physical Fitness Activity apan paghuman niini kalit lang sumala pa kining nawad-an sa panimuot hinungdan nga gidala sa Malaybalay Polymedic Medical Center ug didto na nakabsan sa kinabuhi.
Padayon pa ang imbestigasyon sa kapulisan kabahin sa maong insidente apan usa nga ginatan-aw nga posibleng hinungdan sa kamatayon niini mao ang heat stroke.
Facebook Comments
