Patay ang isa ka pulis sa nagluntad nga disgrasya sa dalanon sa National Highway, Purok 10, Barangay Poblacion Tupi, South Cotabato, pasado alas 4 sang hapon, kahapon nga adlaw, Nobyembre 29, 2020.
Ginkilala ang biktima kay PCpl Rolisher Colobong Gamueta, 40-anyos, naassigned sa 1st South Cotabato Provincial Mobile Force Company (1st SCPMFC), kag residente sang Waling-waling St. Polomolok, South Cotabato.
Sa imbestigasyon sang Tupi MPS ang mga salakyan nga imbolbado sa nasambit nga aksidente ang isa ka Toyota land cruiser bilang V-1 nga halin sa General Santos City padulong sa Koronadal kag Toyota pick-up truck bilang V-2.
Ginamaneho ni naman ni Jumar Tagalog Josol, 38 –anyos kag residente sang Prk Rizal, Brgy. San Jose, Koronadal City ang V-1 kag may pasahero ini nga sanday Arturo B. Uy, residente sang Pantua Village, Brgy. Zone III (Pob.), Koronadal City kag Ray Galleno Salvaloza, 34-anyos kag residente sang Purok Riverside, Brgy Sto. Niño, Koronadal City.
Suno pa pag-abot sa nasambit nga lugar, ang Toyota pick-up truck bilang V-2 nga ginamaneho ni PCpl Gamueta ang nagasubay sa opposite direction nga ginaaligar nagtiyog ang iya nga salakyan kag nagpadulong sa pihak nga dalan rason nga nabungguan sang Toyota land cruiser sa driver side portion sini.
May-angot sini, ang drivers sang duha ka mga salakyan kag pasahero sang Toyota land cruiser ang nakaangkon sang pilas nga gilayon naman nga gindala sa hospital, apang ang driver nga polis sang Toyota pick-up truck ang ginbawian sang kabuhi, samtang ginapaidalom sa medikasyon.
Ang driver kag pasahero naman sang Toyota land cruiser ang ginrefer sa Sarangani Hospital, General Santos City para sa dugang nga medikasyon.
