*General Santos City—- Gikumpirma ni Police Major Benhur Catcatan, hepe sa Police Station 3 nga usa ka pulis ang ilahang ginakonsiderang person of interest sa natigayong pagpamusil-patay sa usa ka lalaki human ang rambol gawas sa explore bar.*
*Pamaahyag niini nga subay sa ilahang impormsyon, nakit-an sa lugar si Police Staff Sgt. Clifford Randel Bayandan nga nakabase sa Police Station 4 ayha ang maong komusyon.*
*Pagpaklaro niya nga human ang krimen narekober ang pipila ka mga basyo sa 9mm kung asa mga pulis lang matud pa ang nagagamit niini.*
*Dugang pamahayag ni Major Catcatan nga sa karon, padayon ang ilahang ginahimo mnga imbestigasyon sa maong pulis ug kung unsay ginahimo niini sa lugar nga dili man kini ialom sa iyahang area of responsibility.*
*Ginapaningkamutan matud pa nila nga makakuha pa ug dugang nga mga ebidensya nga magpamatuod nga si Police Staff Sgt. Bayandan gyud maoy mipusil-patay sa biktimang si Jay Napalit.*
*Samtang gibutyag ni Police Major Rexor Canoy, tigpamaba sa Gensan City Police Office ngahugtanong gipanghimakak ni Bayandan nga aduna kini kalambigitan sa maong krimen.*
*Human matud pa ang follow up operation, nakig-coordinate ang hepe sa Police Station 3 sa Police Station kung asa mismong ng hepe niini maoy nagdala kaniya sa city headquaters.*
*Sumala kang Major Canoy nga gi-turn over ni Bayandan ang yahang armas ug andam matud pa kining makig-alayon sa ginahimong imbestigasyon. Sa karon, temporaryong gi-relib gikan sa police station 4 ang pulis samtang ginahimo ang imbestigasyon.*
