Pulis, rider muerto na accidente

18

Un pulis y un motorista el ya sale muerto despues el motor ta maneha estos yan banggaan na highway del Maasin del Miercoles por la noche.
Con el ambos victima ya conose como canda Cpl. Jaime Sensano Mendoza, 27 anios de edad y designao na National Capital Region y si Vince Christian Ongchua, de Tulungatung.
Asegun na report del pulis alas 10 del noche cuando canda Mendoza y si Ongchua egual ta maneha motor yan encuentro na Maasin y porcausa yan overtake si Mendoza na otro vehiculo ya come este con el lane di Ongchua donde ya resulta para man banggaan estos.
Porcausa egual corre, fatal el contusion ya sostene sila na cabesa y amo este ya causa el diila muerte.
Con el dos cadaver ya saca el diila cada-y-cual familia despues el embalsamo.

Facebook Comments