Nasapwan nga nagabitay kag wala na sang kabuhi ang isa ka pulis sa sulod mismo sang Comfort room sang Estancia Police Station.
Ang biktima ginkilala nga si PO1 James Aguymod, 48 anyos ang edad kag pumuluyo sang barangay Poblacion sang nasambit nga banwa.
Ginpahayag ni Police Inspector Jona Galicia, hepe sang Estancia PNP nga posible problema sa pangabuhi ang kabangdanan sang paghikog ni PO1 Aguymod bangud may ginapangatubang ini nga kaso kg wala ini makatambung sa iya hearing.
Gingamit ni Aguymod sa pagbitay sang kaugalingon ang kable sang kuryente nga gin-angut sini sa bintana sang CR.
Nahibaluan nga bulag naman sa iya asawa si PO1 Aguymod bangud man sa iya mga bisyo kag mga problema.
Nagapati man si Galicia nga wala sang foul play sa kamatayon sang nasambit nga pulis.
