Pulis sa Gutalac gibanhigan sa wala mailang indibidwal.

165

Padayon pa karon ang pag imbistiga sa kapulisan sa lungsod sa Gutalac may kalabot sa bag-ohay lang nga nahitabong pagpamanhig sa ilang sakop nga si PO2 Rey Torrefranca Saladaga samtang padulong kini mo duty sa iyang trabaho isip tinugyanan sa balaod.

Nahitabo kini niadtong adlawng lunes partikular sa may Brgy. New Dapitan, sakop sa lungsod sa Gutalac bandang 6:30AM.

Ang maong insidente dali kining gi patala ni PO2 Saladaga sa ilang buhaton ang matod pa pagbanhig kaniya sa wala nailang mga armadong indibidwal niadtong higayona. Dali kining gerespondehan sa iyang mga kauban sa pagpamasin nga ila kining maabtan kun asa nahitabo ang pagbanhig.

Butyag pa sa imbistigador nga si PO1 Celbert Tendero Berjame, si PO2 Saldaga naka suot kini ug completong unipormi para mo byahe gikan sa ilang panimalay sa brgy. New Dapitan padulong sa Gutalac MPS ug paghidangat niya sa patag nga bahin gipusil kini sa wala mailang duha ka armado, swerte usab nga dali kining nakanaog sa iyang gisakyan nga motor ug mibalos sa pagpabuto hinugdan nga mi sibat ang mga perpetrator sa sagbuton nga bahin.

KG9 ang gigamit nga armas sa pagpamanhig base sa mga basyo nga nakuha sa lugar nahitaboan, duha karon ang gitutukan nga anggulo sa PNP Gutalac kini ang gibutyag sa hepe nga si PC/Insp Khisna Bagis Asaali, una mao ang iyang trabaho tungod kay naka destino kini siya sa intel. Division nga kung diin ubay-ubay usab ang namatay sa operasyon ug ang ikaduha nga mas bug-at mao ang personal.

Facebook Comments