Davao City- Gikumpirmar sa Police Regional Office kun PRO XI nga gibuhian kaganinang hapon, September 15 ang gidagit sa New People’s Army kun NPA nga usa ka pulis nga giilang si SPO2 George Rupinta.
Sa gipadala nga text ni PRO XI spokesperson Police Senior Inspector Catherine dela Rey sa DXDC RMN Davao, gibuhian kaganinang ala 1:30 sa hapon ang pulis nga si Rupinta nga nadestino sa Lupon Municipal Police Station, Davao Oriental.
Sumala sa report gikan sa PRO XI nga gibuhian si Rupinta sa Brgy. Sangab, Maco, Comval ug giturn-over ngadto kang Rev. Socrates Ibol sa UCCP Tagum City.
Kahinumduman nga gidagit sa NPA ang maong pulis kaniadtong June 9, 2017 sa Brgy. Langka, Lupon, Davao Oriental.
Sa karon, ipailawum sa medical examination ug debriefing si Rupinta.
Kasamang Renz Barbarona
