Police-media tie-up lig-on gihapon

15

Davao City- Magpabilin gihapon ang maayong relasyon sa kapulisan ug media taliwala sa mando ni Philippine National Police (PNP) chief Director General Ronald ‘Bato’ dela Rosa sa pagdili sa mga media nga mu-access sa police spot reports.

Sa interbyu sa DXDC RMN Davao kang Police Regional Office kun PRO XI spokesperson Police Senior Inspector Catherine dela Rey, gitataw niini nga importante gihapon ang media sa ilaha tungod tulay kini aron mapahibalo sa komunidad ang mga impormasyong angay mahibal-an lakip na ang ilang mga accomplishments.

Sa karon, bisan wala pay memorandum nga gipagula ang PNP Headquarters, nagsugod na ang maong mando diin dili na maka-access ug dili na makakuha og litrato ang media sa spot report apan giklaro ni dela Rey nga og duna may gustong kuhaon nga mga impormasyon gikan sa kapulisan, mamahimong pangutan-on ug interbyuhon ang Chief of Police o ang Public Information Officer sa usa ka police station gani dugang sa tigpamaba nga mamahimo gihapong maka-access ang media sa police blotter.

Kasamang Renz Barbarona

Facebook Comments