General Santos City— Nagsubo ang Police Station 4 human sa kamatayon sa ilahang kaubanan nga si PO1 Welrie Sosarno Gevieso, 36 anyos nga residente sa Prk. Placida, Brgy. Calumpang ning dakbayan ug warrant officer sa maong estasyon.
Sumala kang Police Chief Inspector Rexor Canoy, hepe sa police station 4 nga basi sa pamahayag sa asawa niini nga alas 7 pasado ang takna sa buntag, mipahawa si PO1 Gevieso sa ilahang panimalay aron unta nga mu-duty.
Apan mibalik gumikan aduna matud pay nakalimtan apan kalit nalang kining natumba rason nga gilayon kining gidala sa balay tambalanan apan gideklara kining dead on arrival.
Basi matud pa sa pamahayag ni Dr. Norma Navarro, attending physician ni PO1 Gevieso nga nahimong hinungdan sa iyahang kamatayon mao ang Ruptured Cerebral Anuerism.
Sa kasmatangan, naka-half mast ang flag sa Station 4 isip pagpakita sa ilahang kahisubo sa kamatayon sa ilahang kauaban.
