Nagpositibo sa coronavirus disease 2019 ang pulo ka mga empleyado sang Presidential Communications Operations Office (PCOO).
Ini ang gin-confirm ni Communications Chief Martin Andanar adlaw sang Sabado, Hulyo 25.
“I regret to confirm that, as of 6:00 a.m. today, a total of 10 of our personnel in the main office tested positive. We are relaying our hopes and prayers for their speedy recovery from the virus,” pahayag ni Andanar.
Dugang pa sini nga iya ginapasiguro sa pamily sang mga nagpositibo kag sa publiko nga ginahimo sang PCOO ang tanan nga health kag medical protocols sang gobyerno ilabi na ang pagpatuman sang contact tracing kag testing sa mga close contact sang mga pasyente.
Suspendido sa karon ang physical work sa New Executive Building.
Ginpasiguro man ni Andanar nga indi sini maapektuhan ang coverage sang PCOO sa ikalima nga State of the Nation Address ni Pangulong Rodrigo Duterte sa Lunes.
“The Radio Television-Malacanang (RTVM) will continue on their coverage plan with the deployment of a different team that is not among those who have been in contact with its two COVID-19 positive personnel,” dugang pa halin sa statement ni Andanar.
<www.avg.com/email-signature?utm_medium=email&utm_source=link&utm_campaign=sig-email&utm_content=webmail>
