*General Santos City— Arestado ang napulo ka mga indibidwal human ang gikasang operayson sa Police Station 4 human makadawat ug report nga adunay nagsugal sa Purok Udagre, Brgy. Conel ning dakbayan alas 4 pasado ang takna sa hapon luyo pa man sa gipatuman nga total lockdown.*
*Giila ni Police Captain Brent Ian Salazar, hepe sa police station 4 ang mga donakpan nga silang Renei Esparagoza Enoc, 30 anyos, Salve Saboy Benedicto, 26 anyos, Josie Lescano Gabales, 43 anyos, Irene Gabales Bactol, 29 anyos, Lolita Camacho Yana, 46 anyos, Mely Postrado Gabales, 50 anyos, Shiela Lyn Nacion Combestra, 27 anyos, Ghia Joanna Yana Nacion, 26, Jonel Esparagoza Enoc, 20 anyos nga samang mga residente sa Purok Udagri, Barangay Conel, ning dakbayan.*
*Nagmagahi matud pa ang mga nahisgutan ug gilabayan pa ug bato ang mga pulis nga mirespondi. Nakuha sa lugar ang mga baraha ug kwarta kantidad 2, 480.*
*Samtang anaa sa kustudiya sa kapulisan ang mga dinakpan, kalit nga mi-abot ang us aka negosyante nga nailang Genesis Jimena Hernaez, 50 anyos nga residente ng Arradaza St., Barangay Lagao ning dakbayan ug nga naghupot ug armas nga sumala pa sakop niya ang mga dinakpan.*
*Nakuha gikan sa posisyon ni Hernaez ang usa ka kalibre 45 nga armas nga adunay mga buhing bala. Wala matud pay gihuptan nga PTCFOR kung asa gibutyag niya nga wala siya’y dautang intension.*
*Sa karon, nag-atubang ug kasong pagsupak sa R.a 10591 o unlawful possession of firearms and ammunition ug PD 1829 o obstruction of justice si Hernaez, samtang kasong pagsupak sa PD 1602 o illegal gambling, R.A 11332, article 148 o direct assault ug article 151 o disobedience sa revised penal code ang atubangon sa mga dinakpang nagsugal.*
