Davao City – Nagtoo ang kanhi bise mayor dinhi sa syudad sa Davao nga dunay bug-at nga rason nganong niluwat sa pwesto isip bise mayor dinhi sa dakbayan si Paolo “Pulong Duterte”.
Kini ang opinyon ni Former Davao City vice mayor Luis Bonguyan atol sa interview sa DXDC RMN Davao diin sumala pa ni Bonguyan, gitun-an kini pag ayo ni Pulong ug dili lang ingon nga midesisyon diha-diha dayon.
Dugang ni Bonguyan, respetuhon nalang kung unsa man ang nahimong desisyon ni Pulong.
Kahinumduman nga kaniadtong Lunes, atol sa special session nga gipahigayon sa Davao City Council, gi-anunsyo ni Pulong nga muluwat na kini sa pwesto isip bise mayor sa dakbayan.
Pipila sa mga rason sa pagluwat sa bise mayor mao ang kapakyasan sa unang kaminyoon, pagdi-lahig sa isyu sa Bureau of Customs, ug bangi sa anak nga si Ysabel Duterte.
Sa karon, on-leave pa si Pulong samtang wala pa gi-aprubahan ni Pres. Rodrigo Duterte ang iyang resignation.
RadyoMaN Renz Barbarona
