Davao City – Mokabat sa kapin kun kulang 93 ka pamilya ug 268 ka mga indibidwal sa may SIR phase 1 ang naapektuhan usab sa nahitabong pagsaka sa tubig sa Davao River kaniadtong adlawng Sabado.
Duna usab na-rescue nga 60 ka mga kabataan, 13 ka senior citizens ug upat ka buntis.
Nakatala usab ang personahe sa Brgy. 76-A ubos sa mando ni brgy. Kapitan Rolando Trajera og duha ka mga na injured kun diin natunok sa mga bildo ug lansang sa dihang gitabok nila ang baha paingon sa evacuation center ddto sa covered court nga nahimutang sa purok 14 sa SIR new Matina phase 2.
Hinoon nahatagan na og medical assistance ug pasiunang hinabang sama sa tubig ug pagkaon ang mga naapektuhan sa maong baha ug kasamtangan na karon nga nakauli na sa ilang nagkalain laing panimalay.
Padayun sa pgalimpyo ang mga residente sa lapok nga gibilin sa maong insidente ug nagbinantayon na ilabi na nga sa panahon karon nga sige og ulan kay matud pa usab sa mga residente wala man sab silay laing kapuy-an kundili ang daplin sa kasapaan nga permanenting maigo panahon kung dunay pagdaku sa tubig ug baha.
RadyoMaN Paul Canono
