Davao City – Pormal na nga gidapit ni Sen. Richard Gordon, chairman sa Senate Blue Ribbon Committee sila si Davao City Vice-Mayor Paolo Duterte ug presidential son-in-law Atty. Manases ‘Mans’ Carpio karong September 7 alang sa gikatakdang ika-pito nga pagbukas pag-usab sa hearing sa P6.4B shabu shipment gikan sa China.
Matud ni Gordon, ang imbitasyon sa iyang komitiba pagpakita lamang sa kamatinud-anon sa naasoyng pundok nga pangitaon ang kamatuoran sa alegasyong nakalusot ang maong kontrabando gumikan sa pagpatunga sa pipila ka mga iladong personalidad.
Apil sa nadalahig mao ang pangalan nila ni City Councilor Nilo ‘Small’ Abellera, Vice-Mayor Duterte ug Atty. Mans Carpio.
Giklaro ni Gordon nga buot nilang imbitahon ang mga personalidad nga gi-akusahang nagpaluyo sa gitawag nga ‘Davao Group’ aron ma-disabuse kun makorehir ang impresyon sa uban sama ni Sen. Antonio Trillanes IV nga giduphan kun giprotektahan ni Gordon ang duha ka mga presidential relatives.
Una niini, atol sa birthday celebration ni Davao First District Rep. Karlo Alexei ‘Kaka’ Nograles niadtong Sabado, gisugyot ni Pres. Rodrigo Duterte ngadto sa duruha nga motambong apan mamahimong i-invoke and ilang constitutional ‘right to remain silent’ ug sa pag-testify kontra sa ilang kaugalingon.
Gitubag kini ni Trillanes sa pag-ingon nga ang customs broker nga si Mark Taguba kinsa ni-alegar nga nitunol ug P5M ‘enrolment fee’ ngadto sa ‘Davao Group’ napugos lamang sa pag-abswelto sa duruha kun ‘pressured to retract.’
Kasamang June Duterte
