Davao City – Gumikan sa pagkalambigit karon sa mga kabatan-on sa krimen sa nasud Pilipinas, gi-aprubahan sa House Committee on Welfare for Children ang ‘Unsafe Hours for Children Act’ diin nagamando kini sa pagpatuman sa regulasyon sa oras tinggawas sa kabatan-onan.
Tungod niini, ciento por ciento sa mga Dabawenyo ang ni-uyon ug nisuporta alang na usab sa kaayuhan sa kabatan-onan ug aron malikay nga mamahimong bulnerable sa mga negatibong impluwensya sa kadalanan sama sa riot, iligal nga droga ug uban pang krimen.
Gibutyag sa mga respondents ilabi na ang mga ginikanan nga dili na nila makita ang respeto sa mga kabatan-onan sa ilang mga maguwang diin dili na sila makontrola kung asa sila maglatagaw matag gabii.
Malaumon ang katawhan nga adunay positibong resulta sa nationwide curfew on minors nga gina-kampanya karon ni Philippine National Police (PNP) chief Gen. Ronald ‘Bato’ Dela Rosa.
Gani, gitataw sa usaka panelist sa RMN morning primetime radio social commentary program nga ‘Straight to the Point,’ anaa sa ginikanan kun unsaon nila pag-amoma, pagpadaku ug pagbansay sa ilang mga anak alang sa kaayuhan sa naulahi.
RadyoMaN Jason Amisola
