Davao City – Atol sa selebrasyon sa Marso isip Fire Prevention Month, nagpahigayon og inspeksyon ang Bureau of Fire Protection sa mga gambalay ning syudad diin nasayran nga lakip nga gikonsidera nga fire hazard mao mismo ang Davao City Hall Building.
Matud sa mga Dabawenyo, angay lamang nga bag-ohon or i-renovate ang mga gambalay nga gama sa light materials ug arang na kakaraan.
Dugang sa mga respondents nga gikinahanglan aksyonan gilayon kini sa lokal nga panggamhanan una mahitabo ang sunog o bisan sa unsang klase nga kalamidad nga posibleng makaguba sa mga instruktura.
Hinoon, gitino sa mga tigpaminaw sa ilang mga opinyon nga angay lantawon nga dakung responsibilidad usab sa katawhan nga kanunayng mag-igmat sa palibot aron maluwas gikan sa disgrasya hatud sa mga trahedya.
RadyoMaN Jason Amisola
