Davao City – Isip usa ka nasud nga dako og importansya ang family values, kanunayng ginahuna-huna sa mga Pilipino ang kaayuhan sa matag miyembro sa ilang pamilya ilabi na kung halayo sa ilang kiliran.
Suportado sa kadaghanan sa katawhan ang total deployment ban dili lang sa nasud Kuwait apan lakip na usab sa mga nasod nga adunay di’ maayong nasinatian ang atong Overseas Filipino Workers (OFWs).
Apan luyo niini, pipila usab ang nag-ingon nga dili lang unta idayon ang deployment ban gumikan maglisod kadtong mga pamilya nga masustinir ang ilang pang-adlaw-adlaw nga panginahanglan.
Gani gibutyag nila nga dili unta tanang kanasuran apan pilion lamang.
Suhestiyon usab sa pipila ka mga listeners nga gusto gayod sa gobyerno nga dili na patrabahoon sa lain nasud ang mga Pinoy, mamahimo nilang patas-an ang sweldo dinhi sa nasud Pilipinas nga nga pupaigo aron mabuhi ang ilang pamilya sa matag adlaw.
RadyoMaN Jason Amisola
