Quezon City – Umabot sa 144 na mga indibidwal na lumabag sa mga umiiral na ordinansa ang nahuli sa magdamag na operasyon ng Quezon City Police District.
Ayon kay QCPD Director C/ Supt. Joselito Esquivel – kabilang sa mga nahuli ang mga nag-iinom sa kalsada, naninigarilyo sa pampublikong lugar at gumagala nang naka-hubad.
Hindi rin nagpaawat ang mga menor de edad na pakalat-kalat sa labas kahit curfew hour.
Ilan sa kanila ang pinagsabihan at pinagmulta habang ang iba ay tinuluyang kasuhan.
Labing-walong drug suspek din ang naaresto ng pulisya sa magkakahiwalay na operasyon sa Lungsod sa nakalipas na magdamag.
Facebook Comments
