General Santos City–Dead on arrival ang usa ka pump boy human kining gipusil sa wala mailhang suspek alas 7:47 sa gabie sa Purok 14, Barangay Poblacion, Tupi, South Cotabato.
Giila ang biktimang si Joey Sanico Sumagaysay, 20 anyos, ulitawo, pump boy sa usa ka gasolinahan sa Tupi ug residente sa Purok 3A, sa nasampit nga Barangay.
Base sa report pauli na unta ang biktima sa ilang panimalay gikan sa iyang trabaho sakay sa iyang XRM 125 nga motorsiklo, ginsundan matud pa kini sa duha ka suspek nga nsakay sa Raider 150 dayon gipusil pila ka higayon nga hinungdan sa iyang kamatayon.
Paspas nga misibat ang mga suspek dala ang motorsiklo sa biktima, gidala pa ang nasampit sa ospital apan gideklara na kining dead on arrival.
Sa karon ginasuta pa sa kapulisan ang motibo sa krimen.
