Pumpboat gihapak sa alimpulos nayabo, usa patay

San Pablo, Zamboanga del Sur – Usa ka motor pumpboat nga gisakyan sa magtiayon ang nayabo sa kadagatan sa Barangay Village, San Pablo nining probinsya sa Zamboanga del Sur alas 4:30 kagahapon sa hapon.
Sumala sa taho sa kapulisan sa San Pablo, ang maong motor pumpboat gi-operate ni Nemisio Revira, 49-anyos kauban ang iyang kapikas nga si Liza Rivera dihang kalit nga gihapak sa alimpulos hinungdan sa pagkahuwad niini.
Dihang narescue si Liza daling gidala sa Zamboanga del Sur Medical Center, Barangay Dao, Pagadian City apan gideklara nga dead on arrival.
Samtang ang mister sa biktima swerte nga wala ra makahigaom og kadaot sa iyang kalawasan atol sa insidente.
Naglusad na og makuti nga imbestigasyon ang kapulisan labot sa maong panghitabo.
Mahinumduman nga kagahapon pa nakasinati og dili maayong panahon gumikan sa bagyong ‘ Hanna.’ ug hanging habagat.

Facebook Comments