Pumpboat nalunod sa may kadagatan duol sa Basul Island, Surigao City Sa nakuha na impormasyon nan RMN gikan ni Master Sgt. Romelito Lomat, an Deputy Head nan Phil Coastguard Surigao Del Norte, an nalunod an tagpanag-ija ug tagdaya ni Roberto Moreno, 58 anyos, residente sa Brgy. Alang-Alang, sakop inin siyudad. Tagtudlo na alas 9:40 sa buntag kahapon sa dihang nalunod ini resulta sa dagko na bayod na nasugatan. Sa amo na panghitabo an nohimo dajon nan koordinasyon an PCG SDN ngadto sa M/Tkr Southern Hawk na duol na nagbiyahe sa kadagatan para matabangan an nalunod na pumpboat. Luwas isab na nakabalhin ug naluwas si Moreno sakay ngadto sa Mbca Sailor Coastline 3.
Dugang pa ni Lomat, kuman buntag ila na taglibkas an suspensiyon sa pagbiyahe, hinoon an mngt. na mismo nan barko na mobiyahe pasingod Cebu an nagkanselar sa ila biyahe lakip an mga lantsa pasingod Dinagat Province an waya modajon resulta sa tagpagawas na Gale Warning.
