Nakahukom ang liderato sa Kapisanan ng mga Brodkaster ng Pilipinas – Cebu Chapter nga di na lang idayon ang culmination o closing party sa gisaulog nga Broadcasters` Month nga gitakda karong Septembre 29,adlaw`ng Sabado.
Matud ni Father Roberto “Bobby” Ebisa, SVD , ang pundo nga gamiton alang sa magsilbing get-together sa mga magsisibya sa Sugbu , idonar na lang alang sa mga biktima sa landslide sa Barangay Tinaan , dakbayan sa Naga .
Sa maong paagi gawas nga makatabang bisan sa gamay`ng pamaagi ,mapakita usab sa KBP-Cebu Chapter ang pagduyog sa kasub-anan sa mga biktima sa trahediya .
Nisaka pa ngadto sa 62 ang namatay sa landslide , ug kapin sa 20 ang namissing hangtud karon.
Facebook Comments
