Davao City – Nigula sa imbestigasyon sa Davao City Fire District nga electrical arching ang hinungdan sa sunog nga niugdaw sa mga kabalayan sa Purok 2, Punta Dumalag, Brgy. Matina Aplaya ning syudad.
Sumala ni SFO3 Ramil Gillado, chief of the Investigation and Intelligence Section sa Davao City Fire District nga niabot og 3rd alarm ang sunog sa nasangpit nga lugar.
Nagsumikad ang kalayo sa balay ni Maricel Barcenas ug niabot sa tulo ka oras ang pagpalong sa mga kabomberohan sa maong sunog.
Mokabat sa 132 ka mga kabalayan ang naugdaw ug usa ang partially damage.
Matud ni Gillado nga anaa sa P1.3M ang natalang damyos sa sunog.
Subay sa initial assessment sa City Social Services and Development Office nga dul-an 200 ka pamilya ang na-displaced atol sa maong trahedya ug nasamdan usab ang lalaking giila nga si Junrey Lape, 30 anyos sa insidente.
RadyoMaN Aimee Guinita
