ILOILO CITY – Nangin mainit ang ikaduha nga hugnat sang Punto por Punto Interschool Debate Competition nga ginhiwat kahapon sa Robinsons Place Jaro sa pagpatigayon sang The Stage upod man sa RMN Iloilo.
Una nga nagdebate ang West Visayas State University kag University of San Agustin sa proposisyon nga himuon legal sa Pilipinas ang divorce.
Ang University of San Agustin ang yuara sa affirmative side samtang negative side naman ang WVSU.
Sa pagtapos sang debate, nagpangibabaw ang University of San Agustin nga amo ang gindeklarar nga nagdaug batuk sa WVSU.
Samtang ang best speaker ang nagikan sa University of San Agustin kag ang best debater naman ang naghalin sa WVSU debating team.
Bangud sini, ang University of San Agustin ang nag-abanse na para sa finals nga hiwaton sa Setyembre 30.
