Ginpaidalom sa temporaryo nga containment subong nga aga ang isa ka compound sa Purok Twin Riverwest saBrgy. Sto. Nino, Koronadal City matapos nga nagpositibo sa COVID-19 ang mag-iloy sa nasambit nga lugar.
Suno kay Kapitan Norberto Banaria yara sa napulo ka balay ang ginpaidalom sa containment.
Gilayon naman suno pa nga dal-on sa isolation facility ang duha ka nagpositibo sa nasambit nga lugar.
Samtang suno sa punong barangay may pagsinapol sila nga patigayunon nga barangay council upod ang pamunuan sang city health office sang Koronadal sa himuon pa nga mga tikang agud nga mapunggan ang paglapta sang nasambit nga balatian sa barangay.
Ginkumpirmar ni Kapitan Banaria nga sa subong may-yara na sang apat ka kaso sang nagpositibo sa COVID-19 sa iya nga barangay nga gilayon man nga gin-isolate.
