General Santos City— Padayon ang ginahimong pursuit operation sa tropa sa 27th Infantry Battalion sa mga miyembro sa rebeldeng New Peoples Army kon NPA nga ilahang naka-engkwentro milabay’ng adlaw.
Sumala kang Lt. Col. Jones Otida, Commanding Officer sa 27th IB nga atol sa maong engkwentro narekober nila ang usa ka M16 rifle , usa ka M653 kon baby armalite, rifle grenade, personal nga magpagkabutang, mga dokumento ug war paraphernalia.
Pamahayag niini nga duha ka engkwentro ang natigayon sa utlanan nga bahin sa Kiamba ug Maasim, Sarangani Province sulod lang sa usa ka adlaw.
Dugang pamahayag ni Lt. Col. Otida nga sa karon, ilaha pang ginakumpirma ang imporasyon nga dumala pa adunay patay ug mga samdan sa han-ay sa rebeldeng grupo.
Pagpaklaro niya nga ang maong impormasyon ang gikan lang usab sa mga residente sa lugar rason nga kini ang ilaha pang gina-verify.
Samtang sa kabahin sa kasundaluhan wala matud pay naitalang samdan atol sa maong engkwentro.
