Davao City – Arestado sa buybust operation sa kapulisan ang usa ka tigpayuhot og iligal nga drogas human sa pipila ka bulan nga surveillance sa mga otoridad.
Sa blotter sa Tugbok PNP, arestado ang suspek nga si Melquiades Satorre, 44 anyos, minyo ug walay trabaho nga residente sa Km. 10 Catalunan Pequeno, Davao City, kansa napalitan og illegal drugs sa usa ka pulis nga nagpaka aron ingnon nga buyer.
Gilusad ang buybust operation alas 11:00 sa kagbahion sa Km 9 Catalunan Pequeno nga miresulta sa pagkakompiskar sa mga sachet nga gitoohang shabu.
Gibalhog na sa prisohan ang suspek samtang karong adlawa ipasaka ang kasong kalapasan sa R.A. 9165 kun Comprehensive Dangerous Drugs Act of 2002 didto sa City Prosecutor’s Office.
RadyoMaN Erin Lumosbog
Facebook Comments
