Arestado ang drug pusher sa implementasyon sang search warrant sang Philippine Drug Enforcement Agency (PDEA 12) sa syudad sang Koronadal subong nga adlaw, Mayo 10, 2018.
Ginkilala ang suspek kay Eric Jun-jun Ponsalan Gorospe, high value taget, 47-anyos, may-asawa, driver kag residente sang Purok Pag–ibig, Brgy. Zone III, Koronadal City, South Cotabato.
Nakumpiskar sa operasyon ang 5 ka large kag 2 ka gagmay nga heat–sealed transparent plastic sachets nga may unod nga “shabu” nga may kabug-aton nga more or less 26 grams kag may street value nga P176,800.00.
Narekober man sa posisyon kag kontrol sang suspek ang 1 ka unit sang digital weighing scale kag 2 ka empty plastic sachets nga may “shabu” residue nga nasulod sa pula nga vacuum cleaner, 2 ka improvised tooters kag 1 ka unit sang cellphone.
Si Gorospe ang nagapangatubang sa subong sang kaso nga pagbayolar sa Section 11 (Illegal Possession of Dangerous Drugs) kag Section12 (Illegal Possession of Drug Paraphernalia), Article II sang RA 9165 ukon “The Comprehensive Dangerous Drugs Act of 2002”.
Sa subong ang suspek ang nakadetine sa PDEA 12 detention facility. photo by: PDEA 12
