Pusher arestao

Maga pulis del Sangali Police Station ya encabesa el hefe si Capt. Albert Alfaro ya aresta un alegao drug pusher na Sta. Cruz, Tetuan del mas reciente.
Si Alfaro ya nombra con el suspechao como si Victorio Jaison, 40, casao.
Maga pulis ya confisca desde conele el 6 paquete de shabu valor de P7,000 y el marked money.
Con Jaison ya lleva na estacion del Sangali donde conele ya detene mientras con el maga shabu ya entrega na PNP Crime Laboratory.
Maniana, Lunes esperanzao ay lleva ya conele na fiscalia para el inquest proceeding na caso del violation del RA 9165.

Facebook Comments