General Santos City— Dakpan sa gipahigayong buybust operation ang usa ka Arsando Ramilyano, hamtong ang pangidaron ug residente sa Prk. Dagohoy, Brgy. North ning dakbayan.
Sumala kang Police Senior Inspector Reynaldo De Armas, Deputy Station Commander sa Police Station 1 nga alas 2 pasado ang takna sa hapon dihang gipahigayon ang buybust operation sa may Bulaong particular na sa may Pagadian Terminal nga nahimutang sa Brgy. North..
Nakuha gikan sa posisyon sa suspek ang duha ka sachet sa gituuhang shabu ingon man marked money.
Dugang pamahyag ni PSI De Armas nga wala sa ilahang watchlist ang suspek ug wala man usab kini napahigayunan ug tokhang apan basi sa ilahang monitoring kanhi lang kining user sa illagal nga droga.
Gibutyag man usab niini nga bisan asa lang nga lugar nagapamaligya ang nahisgutan hilabi na kung masayran nga kusog ang demand niini.
Sa kasamtangan, balhog na sa lock up cell sa Police Station 1 ang suspek ug mag-atubang ug kasong paglapas sa Sec. 5 ug 11 sa R.A 9165.
