Mas nigrabe pa ang aso nga nanggawas sa padayong nasunog nga Gaisano Metro Ayala.
Ang pangu sa Cebu City Disaster Risk Reduction Management Office (CCDRRMO) nga si Nagiel Bañacia nipasabot nga nagpoot ug maayo ang aso sud sa nasunog nga building tungod sa mga materyales ug mga tinda nga gikaon sa kayo sud sa nasunog nga department store .
Gipangbuslotan na ang ibabaw nga bahin sa department store aron makagawas ang nagpoot nga aso ug mas dali na nilang mapawong ang nag-umido nga kayo sud sa building .
Subay niini ang CDRRMO nipagawas na ug health hazard alert ug niawhag nga kadtong adunay cardio-vascular problem ingon man risgo sa upper respiratory illness nga temporaryong mobakwit o mobalhin sa mas luwas nga lugar aron makalikay o kaha magsul-ob ug protective mask aron di makasingo sa grabeng aso .
Dugang ni Bañacia nga makadaut sa panglawas ang masingo nga aso gikan sa nasunog nga Metro Ayala.
Bisan ang mga usyusero giawhag nga magpalayo aron di makahanggap sa aso nga makadaut sa panglawas.
