General Santos City–Malampusong nasikop sa mga personahe sa Police Station 6 ang usa ka Deo Arjohn Montes alyas Deo Montes , 30 anyos nga nanimuyo sa Zone 2, Barangay Bula, Gensan human nga gironda sa kapulisan ang panimalay niini pisikad sa usa ka search warrant nga pinirmahan ni Hon. Judge Joyce Mirabueno naidtong January 29, 2020, tungod sa paglambigit matud niini sa pag pamiligya ug hupot ug ginadiling droga.
Sumala pa ni Police Major Tirso Pascual ang hepe sa Police Station 6 nga nakuha sa panimalay sa nahisgutang suspect ang 6 ka mga sachet sa gituohang shabu kung asa dugay na matud pa nga target sa Police Station 6 ang nasangpit nga suspect apan idlas matud pa kaayu ang nahisguatang Suspek.
Dugang ni Pascual nga makapila na usab ka higayon nga gisuwayan nila ug buybust ang suspect apan dili matud pa kini basta-basta maghatag ug iligal nga droga hinungdan nga gi-applyan nila ug search warrant.
Nagapsalamat man usab ang maong opisyal sa mga tawo nga mitabang kanila aron sa pagsikop sa suspect tungod kay pinaagi sa mga impormasyon nga ilahang gihatag sa kapulisan nasikop ang nahisgutang suspect. Mag atubang ug kasong pag supak sa ra 9165 sec 11 kun pag hupot ug gina diling droga ang suspect.(Dave Silagan)
