Davao City – Gibuhat ang tanan sa mga sakop sa Sasa PNP Drug Enforcement Team nga dakpong buhi ang usa ka drug pusher apan misukol kini busa napugos ang kapulisan sa pagpusil sa suspek resulta sa hinanali nga kamatayon.
Nakahiagom og ubay-ubay nga samad pinusilan sa lawas ang suspek nga si Julie Muhammad Minalang, hamtong ang pangidaron ug nagpuyo sa Muslim Village Kilometer 11 Sasa ning dakbayan.
Gikasa ang buy bust operation pasado alas 12:00 lawom sa kagabhion.
Nakig-transact matud pa si Minalang sa usa sa mga pulis apan dihang nakabantay ang suspek nga otoridad ang mupalit kaniya og droga gilayon kalit kini mibunlot sa iyang .38 revolver dayon pusil sa mga operatiba.
Napugos og balos og pusil ang mga pulis resulta sa kamatayon ni Minalang gumikan sa pipila ka samad pinusilan sa lawas sa suspek.
Sumala ni Police Chief Inspector Emerson Pugong, hepe sa Sasa PNP, gikunsidara nga notadong drug pusher sa ilang area ang namatay nga suspek.
RadyoMaN Joel Viray
