Davao City – Dead on arrival nahidangat sa Southern Philippines Medical Center (SPMC) ang usa ka pusher human giingong misukol sa mga sakop sa Police Station 4-Drug Enforcement team atol sa gilusad nga buy-bust operation alas-9:00 sa gabii.
Si Dr. Miguel Barrientos mideklara sa suspek nga si alyas Siga nga patay na gumikan sa mga samad pinusilan nga nahiagoman.
Pila sab ka semana gipaubos sa surveillance ug test buy sa kapulisan ang suspek ayha gikasa ang operasyon kontra droga.
Matud ni PO3 Christopher Ararao kinsa nagsilbing posuer buyer, nakabantay matud pa si alyas Siga nga pulis ang iyang gikatransak diin kalit kini mibunlot sa .38 rebolber dayon pusil ngadto kanila.
Abtik nakabalos ang mga otoridad nga nagresulta sa kamatayon sa suspetsado kinsa naila sa tinuod nga pangalan nga si Ricky Bangot, minyo, ug nagpuyo sa Tibungco ning siyudad.
Narekober sa kapulisan ang dugang duha ka sachet sa shabu ug .38 revolver gikan sa sa maong pusher.
Nagbahad ang hepe sa Sasa PNP nga si Police Chief Inspector Reuben Liberal ngadto sa mga nagapayuhot sa iligal nga droga hangtud karong panahona nga mutahan nga malinawon aron dili mamatay o bin ba kaha muundang na lang.
RadyoMaN Joel Viray
