Davao City – Nadakpan sa kapolisan sa Sasa ang usa ka drug pusher human nakuhaan og shabu atol sa gihimong buy bust operation ubos sa mando ni Police Chief Inspector Emerson Pugong, Station Commander sa Sasa Pnp.
Natigayon ang buy bust operation alas 4:45 sa hapon didto sa Zone 4 Fatima Village Sasa syudad sa Davao.
Sa report gikan sa Davao City Police office naila ang dinakpan usa ka Dennis Aguinsanda, 34 anyos ulitawo, residente sa nahisgutang lugar.
Matud pa sa dihang gikasa ang buy bust operation positibong napalitan og shabu sa kantidad nga 1,000 pesos sa usa ka poseur buyer.
Nakuha sa dinakpan ang upat ka medium elongated size heat sealed transparent plastic sachet nga gituohang shabu lakip nakompiska ang mga drug paraphernalia.
Ang suspek balhug na Sasa Pnp ug gihikay na sa kapolisan ang kasong kalapasan sa RA 9165 Comprehensive Dangerous Drugs Act of 2002.
RadyoMaN Don Pulayao
