Pusher ug usa ka wanted person arestado

37

Davao City – Nadakpan sa Sta Ana Pnp ang usa ka top 7 wanted person sa Muncipal Police Station sa Caraga human gisilbi ang warrant of arrest batok sa usa ka Villamor Duminguez nga taga Brgy.Manurigao, Caraga, Davao Oriental nga dunay kasong frustrated murder nga giisyu ni Judge Angela Tumanda sa Regional Trial Court Branch 5 sa Mati City.

Ang dinakpan nasikop sa Brgy. Lapu-lapu, Agdao ning siyudad ug temporaryong gi-detain sa selda sa Sta Ana Pnp.


Sa pikas bahin laing nadakpan sa buy bust operation ang usa ka 54 anyos kinsa nailang Andres Sajot taga Emily Homes Cabantian Buhangin ning siyudad human napalitan og usa ka sachet nga gituohang shabu kambyo ang buy bust money nga P500.00.

Usa ka sachet ang narekober ug usa ka cellphone nga maoy gigamit sa illegal nga transaksyon.

Gibana-banaang mukantidad sa P2,000 ang droga nga nasakmit sa dinakpan kinsa na balhug na Sta Ana Pnp ug mag atubang og kasong kalapasan sa R.A 9165 Comprehensive Dangerous Drugs Act of 2002.

RadyoMan Don Pulayao

Facebook Comments

From Advertisers