GENERAL SANTOS CITY- Gi-aresto ang babae sa Amerika human kining nasayran sa kapolisan nga kinawat ang suot niining pustiso o denture/false teeth.
Sa facebook post sa Jennings County Sheriff’s Office sa estado sa Indiana, nakadawat og report ang ilang opisina nga gikawat sa usa ka Joann Childers ang pustiso sa usa ka babae.
Dihang mitambong daw ang suspek sa iyang probation meeting, nakumbinse ang mga opisyal nga dili gyud panag-iyahan ni Childers ang ngipon nga gigamit.
“The Probation Officer stated that Joann had worn teeth to her probation meeting that clearly were not hers and that she believed they may be the stolen teeth,” unod sa Facebook post.
Nilabay ang duha ka adlaw, giadtoan sa usa ka opisyal si Childers.
Dihang nahinabi kini, namatikdan nga nakasulat sa pustiso ang pangalan sa biktima.
Narekober na ang pustiso og gipangita na si Childers sa kasong theft.
For more info’s and updates, like and share our official facebook account : www.facebook.com/ifm91.9Gensanofficial/
[image: POSTISO GIKAWAT.jpg]
