Electrical wiring short circuit ang rason sa pagka-sunog sa usa ka bus sa Brgy. 7 ning dakbayan sa Malaybalay ala 1:46 sa hapon kagahapong adlawa.
Sa interview sa RMN Malaybalay ngadto kang Senior Inspector Lloyd Villaroya, ang city fire marshal sa Bureau of Fire Protection kon BFP Malaybalay gibutyag niini nga gikan sa Malaybalay City Public Terminal paingon unta sa lungsod sa Kibawe, Bukidnon ang mao nga bus nga nagtangag sa plate number KVW 703 ug body number nga 2042.
Pagsaka matud pa niini sa Barangay 7, nabantayan sa driver nga adunay nipiti sa luyo nga bahin sa driver’s seast sa mao nga bus maong gipahunong kini ug gipakanaug ang 13 ka mga pasahero.
Nagtoo ang kabomberohan nga tungod sa ka-init makina maoy hinungdan nga nasunog ang bus.
Sigun pa niini nga accidental in nature ang mao nga insidente.
Nasayran nga gimaniho ang bus ni Reynan Diabordo, 53 anyos, lomolopyo sa lungsod sa Marama, Bukidnon.
Matud ni Villaroya nga usa ka minutos human nga napakanaug ang mga pasahero, insigida nga nidilaab ang kalayo.
Sa karon gi-imbestigahan pa sa BFP Malaybalay ang damyos sa mao nga bus tungod kay aduna matud pay kwarta sa sulod sa bus.
Gidugang pa ni Villaroya nga walay samaran sa maong insedente.
