Iligan City- Tungod sa nahitabong pagbusikad sa bomba niadtong nakalabay’ng gabii sa Isulan, Sultan Kudarat, ipa -cut off sa Iligan City PoliceOffice sa National Telecommunications Commission ang signal sa mga telcos matag pahigayon sa mga dagkung kalihukan alayon sakasaulogan sa kapistahan sa siyudad sa sunod bulan.
Matud pa ni ICPO city director Senior Superintendent Manuel Alvarez, sa usa ka meeting kagahpon sa Iligan City Peace andOrder Council, nga nahimong leksiyon kanila ang maong pagpamomba sa Isulan nga gikamatay sa duha ka tawo, samaran ang kapin 30.
Ang Septembre gideklara nga fiesta and tourism month nga gitawag og Diyandi Festival sa Iligan nga opisyal nga magsugod sa Septembre uno, dungan sa pag-abli sa Diyandi Park.
Gawas sa pagbukas sa nasangpit nga festival, highlight usab angPakanaug sa Septembre 20, nga usa ka Catholic ritual o angpagsugod sa siyam ka adlaw nga fiesta novena diin liboan ka mga deboto ang gilaumlang mokuyog; ang Diyandi Street Dancing and Showdown ug ang Miss Iligan Beauty Pageant sa Septembre 27; Civic Military Parade sa Septembre 28; ug Fiesta Procession sa Septembre 29 isip highlights sa selebrasyon.
Matud pa ni Alvarez, malampuson ang gihimo sa kagamhanang lokal sa Cagayan de Oro diin gi-jam ang mga telcos signal sa mga dagkung kalihukan panahon sa kapistahan.
Apan gitin-aw ni Alvarez nga ang pag-cut off sa signal alang lamang sa specific nga adlaw ug oras. (Divina M. Suson)
| | Virus-free. www.avast.com |
