Ang biktima giila nga si Hermano Martinez Cuestas, 67 anyos, taga Sitio Pantalan sa maong barangay.
Sa interbyu sa DXDC RMN Davao kang PLT Jeffrey Bangcas, Deputy Chief sa Toril Police Station, giingon niini nga natural death ang hinungdan sa kamatayon sa biktima tungod duna kini gihambing balatian.
Segun ni Bangcas, tulo ka adlaw na nga na-missing ang biktima ug ana na kini sa state of decomposition una kini nakita.
Gipasabot sa opisyal nga subay sa imbestigasyon sa imbestigador nga wala silay nakita nga injury sa patay nga lawas sa biktima.
“Caretaker siya atong prutas kung asa sya nakita ug giatake og high blood. Ang pamilya walay nakita (nga dunay) kalaban (ang biktima) mahulog lang siya (nga) natural death,” sulti Bangcas.
Ang biktima gidala na sa ilang pinuy-anan didto sa maong lugar og didto na ipalubong sa pamilya.
Kahinumdoman usa ka Joel Ortega Pacqiao, 32, truck helper ug taga Sitio Pogi Lawis, Brgy. Daliao, Toril, ang mireport sa maong insidente ngadto sa kapulisan sa Toril kinsa usa sa mga nakakita sa biktima.
RadyoMaN Don Pulayao
