Sobra sa 2 milyones nga kantidad sa iligal nga droga, nakumpiska gikan sa tulo ka indibidwal

Pagadian City – Naka-iskor na usab ang mga kapulisan sa Zamboanga del Sur Police Provincial Office atol sa gikasang buy-bust sa Purok Sampaguita, Brgy. San Pedro, Pagadian City (JRC Hotel) alas 7:25 ang takna sa niaging gabii May 2, 2023 nga niresulta sa pagka-aresto sa upat ka drug personalities.
Giila ang mga suspek nga sila si Ronilo Toting Obedas, 46-anyos, baker; Neil Ampoller Sasing, 32-anyos, mechanic, pulos mga lalaki, minyo ug mga residente sa Purok Abaga, Maranding, Lala, Lanao del Norte; lakip sa nadakpan si Mark Jay Jumawan Sumera, 29 -anyos, lalaki, minyo, payong-payong driver nga residente sa Purok Dao, Maranding, Lala, Lanao del Norte.
Nahipos gikan sa posisyon sa mga suspek ang tulo ka dagkung pakite sa shabu, nga mitimbang sa 350 gramos nga nagkatindad na sa 2, 380, 000 ka pesos.
Naimbargo usab gikan sa tulo ang boodle money nga mokantindad sa 75mil nga maoy gipaon sa pakigtransaksyon.
Atubangon sa mga suspek ang kasong paglapas sa RA 9165 o mas naila nga Comprehensive Dangerous Drugs Act of 2002.
Kasamtangan nga gipaslak ang tulo sa Pagadian City Police Station alang sa hustung disposisyon.

Facebook Comments