Pagadian City, Zamboanga del Sur – Mapun-an na og 75 ka bag-ong police officer ang probinsya sa Zambaoanga del Sur kini human gimando Pssupt. Romulo Cleve Taboso,ang hepe sa sa Regional Personnel and Human Resources Development Division nga ipakatag ang dul-an 500 ka pulis atol sa send off ceremony sa buhatan sa PRO 9 sa Zambaoanga city.
Ang 75 ka bag-ong mga pulis ipadala sa probinsya isip mga bag-ong tropa sa Zamboanga del Sur Provincial Mobile Force Company.
Gibutyag pa ni Taboso nga 455 ka mga pulis ang gibahin sa tibook rehiyon diin sa nakuhang datos sa RMN Pagadian 102 ka police officer 1 ang gipadala sa Regional Mobile Force Battalion 9, 101 usab sa Zamboanga City Mobile Force Battalion, 101 ka police sa Zamboanga del Norte ,74 sa Zamboanga Sibugay ug 2 lang ang gipadala sa Isabela City Police Station.
