Magapatigayon na sang pwersahan nga pagbakuna batok rabies sa mga ido sa banwa sang Tantangan ang Provincial Veterinary Office sang South Cotabato tungod may-yara na sang apat ka ido sa banwa nga ginpa-examine ang ulo nga nagpositibo sa rabies subong nga tuig.
Suno kay Provincial Veterinarian Dr. Flora Bigot pangsi-udon na nila ang mga ido kag bakunahan agud nga indi na maglapta pa ang rabies.
Subong nga tuig nakarecord na suno pa sila sang anum kaso sang ido nga nagpositibo sa rabies kag anum man ang napatay nga tawo.
May-angot sini, ginahingyo ni Dr. Bigot ang mga pet owners nga mangin responsable paagi sa pagpabakuna sang ila mga hinuptan.
Sa subong nagalab-ot na sa masobra 72, 200 ka mga ido ang nabakunahan nila kag ang problema nila suno pa amo ang mga layaw nga ido nga indi mabakunahan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
