Dipolog City-Wala ka pugngi sa drayber sa Loader sa dihang aksidente kining miambak sa pangpang ug gisungag ang balay nga nahimutang duol sa lugar nahitaboan.
Gani wala nanangit ang maong loader sa barandilya nga naka harang didto sa lower Dicayas, Dipolog.
Ang Loader gipanag-iyahan sa Lopena Hallow Block, anaa nahimutang sa may Brgy. Turno Dipolog City ug gimaneho ni Nico Peroy nga taga Baliagao, Mis. Occ.
Maayong pagkabalintong sa balay ni Helen Montilla sa dihang miungad ang loader , swerte usab nga walay tawo sa sulod niadtong higayona.
Butyag pa sa mga nakasaksi sa panghitabo ang loader gikan kini sa brgy. Turno padulong Dicayas, paghidangat niini sa dulhogon nga bahin wala nakontrol sa drayber ang loader ug mi dretso kini sa pangpang nga atua usab ang balay ni Helen.
Dali nga misibat ang drayber human sa panghitabo , pero gilayon kining gisusi sa kadumalahan sa Lopena Hallow Blocks aron sayran ug sabutan ang nahimong danyos ngadto sa gidaro nga balay
