General Santos City—gidugok sa bagang duot sa katawhan ang Pyesta ni Senior Sto. Niño de Bula.
Gikan sa Fluvial Parade nga nagsugod sayo sa buntag karong adlawa, nga gitambungan sa gatusan nga mga sakyanan panagatan, ngadto na sa prosesyon diin dili “mahulogan Karayom” ang dalan gikan sa Queen Tuna Park padulong na sa sentrong bahin sa Barangay Bula.
Bitbit sa mga deboto ang ilang mga Sto. Niño niduyog ang mga nasampit sa prosisyon. Nasayran nga mukabat sa kapin 23 mil ang gilauman sa mga opisyal sa Barangay Bula ug sa Simbahang Katoliko sa maong Barangay nga mudugok sa maong lugar karong adlawa.
Nasayran nga alas 5:00 ang takna kaganinang kabuntagon gihimo ang Misa dayon gisundan kini sa prosisyon nga gipangunahan sa Amphibian sakay ang Poon ni Sr. Sto. Niño de Bula, gihatud sa Carrier Boat dayon gituyok sa Gensan Fish port padulong sa Queen Tuna Park.
Gikan sa Queen Tuna Park gihimo usab ang prosesyon padulong sa Barangay Bula pabalik sa simbahan.
