Sa impormasyon gikan sa Office of the Civil Defense (OCD)-XI, eksaktong alas 2:00 sa hapon, i-perform ang “DROP, COVER, AND HOLD” sulod sa 60 seconds, pasabot nga nagsugod na ang drill.
Human sa usa ka minuto, giawhag ang tanan nga i-practice ang evacuation procedures sama sa pag-ihap sa mga indibidwal sa designated evacuation areas. Dayon, mamahimo na nga mubalik sa mga opisina ang drill participants.
Sa interbyu sa DXDC RMN Davao kang Angel Sumagaysay, head sa Public Safety and Security Command Office (PSSCO), gisaysay niini nga naka-andam kanunay ang buhatan pagtabang sa CDRRMO alang sa maong aktibidad.
Gipasabot ni Sumagaysay nga importante nga mabansay ang katawhan sa mga angay nga buhaton panahon sa linog ilabi na nga sagunson nga nasinatian ang mga pagtay-og dinhi sa Davao Region.
RadyoMaN Kirby Manzon
