Davao City – Gilantaw nga usaka maayong sistema sa pagsuta kun pag-locate sa mga tawong kandidato sa COVID-19 infection ang QR Code system kon matrix bar code nga unang gidisenyo niadtong 1994 alang sa automotive industry sa nasud-Japan.
Sumala ni Mindanao Advocacy and Social Communication Focal Person Candido Aparece, Jr. importanteng sakto ang datos sa gobyerno sa ihap sa nagkasakit og COVID-19 aron ang ilang desisyon ug intervention mahaum usab sa nagpadayong health emergency sa nasud.
Dugang ni Aparece nga pinaagi sa QR Code, ang mga contract tracing teams dili na maglisod og pag-ila ug pagtumbok sa lokasyon sa mga potential infections ingon man kun kinsa kadtong daku ang purohang ma-infect gumikan sa ilang direct contact sa mga tawong nag-COVID positive.
Segun ni Aparece, dili kalapasan sa tawhanong katungod ang pag-require sa publiko nga mopailawom sa QR Code sanglit ang katuyoan niini mao man ang maayong panglawas sa tanan gikan sa peligro mugna ning maong fatal virus.
“Uyon ako nga magpailawom kitang tanan sa QR Code tungod kay importante kaayo nga dunay data sa mga tawo sa iyang paglihok ug kung kinsa ang iyang nasalamuha ug unsang mga lugar iyang giadtoan aron kon adunay madiskubre nga kaso sa COVID, dali lamang ang pag-trace kung kinsa ‘tong mga tawo nga (iyang) nakauban kay (aron sa) pagahimoon nga desisyon ug intervention (sa DOH ug sa Local Government Unit), duna silay hawirang datos,” dugang katin-awan sa maong opisyal.
RadyoMaN Joel Viray
