QR code scanning sa Davao checkpoints gisuspende

84

Davao City – Temporaryong gihunong sa Task Force Davao (TFD) ang pag-check sa QR (Quick Response) Code o sa SafeDavao QR (DQR) sa TF Davao checkpoints partikular na sa Sirawan, Lasang ug Lacson ingon man sa Philippine National Police (PNP) checkpoints sa dakbayan subay sa mando sa City Government of Davao, epektibo niadtong sa Enero 26, 2021.

Sa interbyu sa DXDC RMN Davao kang Major Ronel Legarde, Task Force Davao Spokesperson, gibutyag niini nga rason sa suspension mao nga dili pa magamit sa contact tracing ang pag-check sa DQR diha sa checkpoint. Ikaduhang rason mao ang padayon pang pag-develop sa sistema sa QR Code aron magamit kini sa contact tracing batok Coronavirus Disease 2019 (COVID-19).


“Nagabuhat pa og features ang atoang web developer sa City Government of Davao para didto sa features aron nga magamit siya sa contact tracing module. Mao ‘nay usa sa rason ngano nga temporarily suspended ang pag-check sa mga DQR,” segun ni Legarde.

Pagpaklaro ni Legarde nga bisan og walay scanning sa DQR, kinahanglan gihapon nga mag-presenta ang mga muaging indibidwal og mga dokumento pagpamatuod nga essential travel ang ilang lakaw, ingon man ilang pagtuman sa minimum health standards batok COVID-19.

Dugang sa tigpamaba sa TF Davao, wala pay mahatag nga timeline kanus-a mahuman ang pag-develop sa QR Code sa checkpoint, diin magpagawas lang usab og pormal nga anunsyo kanus-a mag-resume ang QR Code scanning.

RadyoMaN Kirby Manzon




Facebook Comments