Pagadian City – Nabisto sa otoridad ang illegal nga negosyo sa tendiro og bulad human kining nadakan sa drug buy-bust operation sa Purok Sampaguita, District 2, Barangay Tawagan Sur, Pagadian City niadtong nakalabay nga gabii January 27, 2021.
Ang tropa sa Station Drug Enforcement Team (SDET) sa Pagadian City Police Station ug personahe sa Zamboanga del Sur Provincial Mobile Force Company ang nidakop sa target nga si Benzar Tandico Saraji a.k.a “Benzar”, 35-anyos, tendiro og bulad nga nagpuyo sa Purok Kamunggay, Barangay Lumad, ning syudad sa Pagadian.
Nakumpiska gikan sa posisyon ni alyas Benzar ang tulo ka pakite sa gituohang 4.5 gramos nga gibana-banang mokantidad sa 30,600. Nukuha usab gikan sa suspek ang 2,500 nga buy bust money, usa ka pakite sa sigarilyo nga gisudlan sa illegal nga droga, usa ka motorsiklo ug cellphone.
Ang dinakpan gipaslak na sa Pagadian City Police Station detention cell samtang nag-atubang sa kasong paglapas sa Akta Republika 9165 kon Comprehensive Dangerous Drugs Act of 2002.
